Польскія памежнікі затрымалі на мяжы з Беларуссю 71 мігранта з Афганістана. З іх 33 — непаўналетнія
У замежнікаў не было пры сабе дакументаў. Як мяркуецца, усе яны — грамадзяне Афганістана, якія прыйшлі з Беларусі. З іх 33 — непаўналетнія, паведамляе польская памежная служба.
Затрыманых адправілі ў ахоўныя цэнтры для замежнікаў.
Паток мігрантаў на беларуска-польскай мяжы апошнім часам павялічваецца. У сераду польскія памежнікі затрымалі 62 парушальнікаў мяжы. Сярод іх — грамадзяне Ірака, Ірана і Камеруна.
Зараз мігранты знаходзяцца ў спецыяльным ахоўным цэнтры для іншаземцаў.
Затое рэзка знізіўся паток мігрантаў на літоўска-беларускай мяжы, пасля таго як літоўскія ўлады заявілі, што будуць вяртаць нелегалаў назад у Беларусь. Так, учора ўвогуле былі затрыманыя толькі два нелегалы, а 100 чалавек вернутыя назад.