IQOS больш не будуць прадаваць у Беларусі, прычына — санкцыі
У справаздачы за другі квартал 2021 года кампанія Philip Morris International паведамляе, што пасля нядаўніх міжнародных санкцый IQOS больш не будзе прадавацца ў Беларусі.
Гаворка ідзе пра трэці квартал 2021 года, то-бок з ліпеня.
Імпарцёрам прадукцыі IQOS у Беларусь з’яўляецца кампанія «Інтэр Табака» Аляксея Алексіна, які патрапіў пад еўрапейскія санкцыі як бізнэсмен, набліжаны да рэжыма Лукашэнкі.
«Інтэр Табака» таксама арыентавана на выпуск уласных гандлёвых марак у нізкім коштавым сегменце і ліцэнзійнай вытворчасці прадукцыі Philip Morris.