Кіраўнік МЗС Літвы: Пад еўрапейскія санкцыі можа трапіць і беларускі алкаголь
Аб гэтым расказаў міністр замежных спраў Літвы Габрыэлюс Ландсбергіс у інтэрв'ю Літоўскай нацыянальнай тэлерадыёкампаніі, паведамляе Zerkalo.io.
Міністр нагадаў аб тым, што Літва заклікала краіны Еўрасаюза ўвесці новыя санкцыі ў дачыненні да афіцыйнага Мінска, і адзначыў, што спыненне пастаўкі беларускіх калійных угнаенняў праз літоўскія парты — не адзіная прапанова.
Па словах Габрыэлюса Ландсбергіса, пад санкцыі могуць трапіць і іншыя галіны беларускай эканомікі. Напрыклад, вытворчасць алкагольных напояў. Па словах кіраўніка літоўскага замежнапалітычнага ведамства, экспарт алкаголю прыносіць беларускаму боку «значны даход».
Паводле звестак Белстата, летась толькі ў Літву моцных спіртных, віна і піва экспартавалі на 11 мільёнаў даляраў.