У Мінску па-беларуску вучыцца толькі чатыры тысячы школьнікаў
Такія звесткі агучыла сёння на прэс-канферэнцыі намесніца старшыні камітэта па адукацыі Мінгарвыканкама Ірына Чарняўская.
23-я гімназія ў Мінску, што ля плошчы Якуба Коласа, адна з пяці, дзе навучанне ідзе па-беларуску
У пяці гімназіях увесь працэс навучання цалкам арганізаваны на беларускай мове. У дзесяці сярэдніх школах такое навучанне арганізавана ў асобных класах.
«Усяго такіх класаў 171. Гэта каля 4 тысяч дзяцей», — удакладніла Ірына Чарняўская.
4 тысяч — гэта прыкладна 2 працэнты ад усёй колькасці школьнікаў сталіцы.
Усяго ў Мінску 244 гімназіі і школы.