Пайшоў з жыцця барабаншчык The Rolling Stones
Барабаншчык брытанскай рок-групы The Rolling Stones Чарлі Уотс памёр ва ўзросце 80 гадоў.
Уотс памёр у лонданскай лякарні ў атачэнні сваёй сям'і 24 жніўня.
У 1963 годзе Уотс ў якасці барабаншчыка далучыўся да тады яшчэ маладой групы The Rolling Stones. Пазней ён таксама прыклаў намаганні для распрацоўкі дызайну вокладак некаторых яе альбомаў. У 2016 годзе часопіс Rolling Stone змясціў Уотса на 12-е месца ў сотні найвялікшых барабаншчыкаў усіх часоў.