Сілавікі прыйшлі на сход польскіх настаўнікаў у Гродне
Сёння раніцай гродзенская міліцыя ўвайшла ў офіс Саюза палякаў Беларусі, дзе з нагоды надыходзячага навучальнага года прайшла арганізацыйная нарада выкладчыкаў з цэнтраў выкладання польскай мовы, якія дзейнічаюць пры Саюзе, паведамляе Znadniemna.pl.
Актывістка Саюза палякаў у Беларусі Данута Карповіч паведаміла, што супрацоўнікі міліцыі, якія прысутнічалі на выкладчыцкай нарадзе, сказалі, што атрымалі ананімнае паведамленне аб «незаконным сходзе», які праходзіць у сядзібе СПБ.
Міліцыянты, якія прыйшлі на сход, запісалі даныя ўсіх асоб у памяшканні штаба СПБ і пакінулі месца збору настаўнікаў.