Беларус упершыню за 18 гадоў выйграў тэнісны турнір ATP
Беларус Ілля Івашка стаў пераможцам тэніснага турніру ў амерыканскім Уінстан-Салеме (Паўночная Караліна).
У фінале Ілля перамог шведа Мікаэля Імера 6:0, 6:2.
Варта зазначыць, што турнір папярэднічае Адкрытаму чэмпіянату ЗША па тэнісе, таму моцныя гульцы прапускаюць такія спаборніцтвы, тым не менш, перамогу ў беларуса ўжо не адняць.
Гэта першы тытул АТР (мужчынскія турніры, якія праводзіць Асацыяцыя тэнісістаў-прафесіяналаў) у кар'еры Івашкі. Прызавы фонд турніру складаў 717 955 даляраў.
Папярэдні раз беларускі тэнісіст выйграваў турнір АТР у далёкім 2003 годзе, калі Максім Мірны перамог на турніры ў Ратэрдаме.