Дальнабойнік схаваў у асабістых рэчах 8 кг наркотыкаў. Яго затрымалі беларускія мытнікі
Беларускія мытнікі ў пункце пропуску «Новая Рудня» на мяжы з Украінай спынілі ўвоз на тэрыторыю ЕАЭС 8 кг гашышу і марыхуаны, паведамілі ў Дзяржаўным мытным камітэце.
Забароненыя рэчывы ў асабістых рэчах схаваў грамадзянін Малдовы, які ехаў на грузавіку Scania. Наркотыкі былі спакаваныя ў 12 празрыстых поліэтыленавых пакетах, а мужчына растлумачыў, што гэта харчовая дабаўка для сабак.
Эксперты высветлілі, што гэта былі гашыш і марыхуана.
Грамадзянін Малдовы павінен быў даставіць наркотыкі ў Маскву за ўзнагароджанне.
Гомельская мытня завяла крымінальную справу.