Затрыманы былы кіраўнік «Аховы птушак Бацькаўшчыны» Віктар Фянчук
Учора прайшоў ператрус у офісе «Аховы птушак Бацькаўшчыны», затым стала вядома, што затрыманы былы кіраўнік арганізацыі Віктар Фянчук, паведамляюць праваабаронцы.
Фота «Радыё Свабода»
Віктар Фянчук раней узначальваў «Ахову птушак Бацькаўшчыны» з 2007 года, а ў 2014-м пераехаў з Мінска ў вёску Камянюкі Камянецкага раёна, на ўскраіне Белавежскай пушчы. Адным з галоўных праектаў Віктара было вывучэнне арэала жыццядзейнасці ваўкоў.
8 лістапада 2020 года Фенчука затрымлівалі на маршы ў Мінску, ён атрымаў 15 сутак арышту.
АПБ у фэйсбуку паведаміла: «Затрымалі нашага супрацоўніка, спадзяёмся, хутка ён будзе на волі і вернецца ды аховы дзікай прыроды».