Пракаповіч ізноў абяцае ўтрымаць рубель
Пра гэта сёння паведаміў кіраўнік Нацбанка Пётр Пракаповіч.
Беларускаму рублю няма неабходнасці ў бліжэйшы час выходзіць за мяжу калідора +/‑ 5 працэнтаў.
Пра гэта 14 ліпеня праінфармаваў Аляксандру Лукашэнку старшыня праўлення Нацыянальнага банка Пётр Пракаповіч.
Пётр Пракаповіч нагадаў, што ў першым паўгоддзі ваганне курсу беларускага рубля адносна карзіны замежных валют было ў межах калідора +/‑ 5 працэнтаў. Ён адзначыў, што, нягледзячы на пашырэнне калідора да +/‑ 10 працэнтаў, ваганне ў межах +/‑ 5 працэнтаў захоўваецца і сёння. Пётр Пракаповіч падкрэсліў, што ў бліжэйшы час няма неабходнасці выходзіць за гэту мяжу.