Тэрарыст напаў з нажом на супермаркет у Новай Зеландыі: ён параніў шэсць чалавек
Узброены мужчына напаў на наведвальнікаў супермаркета Countdown у новазеландскім Оклендзе.
nzherald.co.nz
Пра гэта паведамляе New Zealand Herald.
Злачынец увайшоў у гандлёвы цэнтр і параніў нажом шасцярых наведвальнікаў. Ён быў застрэлены паліцэйскімі на месцы праз хвіліну пасля нападу.
Высветлілася, што гэта імігрант са Шры-Ланкі, ён прыбыў у Новую Зеландыю ў 2011 годзе. Камісар паліцыі Эндру Костэр распавёў, што мужчына ўжо быў пад наглядам праваахоўных органаў праз свае экстрэмісцкія погляды.