У Калінкавічах падлетка затрымалі за наркотыкі. А пасля пад рукі прывялі ў ліцэй, каб паказаць усім вучням
17-гадовы навучэнец Калінкавіцкага аграрна-тэхнічнага ліцэя разам з 18-гадовым сябрам распаўсюджвалі наркотыкі.
«Калінкавіцкія навіны»
Сілавікі вырашылі паказаць малодшага падлетка іншым навучэнцам ліцэя — пад рукі прывялі яго ў актавую залу. Фота публікуюць «Калінкавіцкія навіны».
Хлопцаў затрымалі і змясцілі ў СІЗА. Ім пагражае ад 10 да 20 гадоў зняволення (ч. 4 арт. 328 КК).
Нядаўна па такім жа артыкуле затрымалі дзвюх 15-гадовых школьніц у Мінску.