У мінскай гімназіі атруціліся дзеці — пяцёра з іх у бальніцы
Здарэнне адбылося ў сталічнай гімназіі №3. Напярэдадні ў інфекцыйную бальніцу сталі масава паступаць скаргі на самаадчуванне вучняў 6-х і 9-х класаў гэтай установы. Сёння стала вядома, што пяцярых вучняў гаспіталізавалі з кішачнай інфекцыяй.
Мінздароўя паведаміла, што ў гімназіі правялі поўную дэзынфекцыю. Паводле папярэдніх вынікаў лабараторных даследаванняў, патагеннай мікрафлоры ў адабраных харчовых прадуктах і змывах не выяўлена. Эпідэміялагічнае расследаванне працягваецца, піша прэс-служба ведамства.