Літоўская мытня не прапусціла самазвалы БелАЗа ў Чылі
Іх павінны былі адправіць спажыўцу праз Клайпедскі порт.
lrmuitine.lt
Усяго затрымалі 18 марскіх кантэйнераў з чатырма машынакамплектамі для кар'ерных самазвалаў, паведамляе літоўская мытня.
«Літоўская мытня працягвае прымяняць санкцыі, уведзеныя ЕС у дачыненні да беларускіх кампаній — груз БелАЗа не дапусцілі да перавозкі праз Клайпедскі марскі порт», — гаворыцца ў паведамленні.
Вядзецца расследаванне, пытанне пра яго далейшы лёс будзе вырашацца.
БелАЗ быў уключаны ў чацверты пакет санкцый ЕС.