Мінздароўя: За суткі 1760 выпадкаў каранавіруса
Мінздароўя паведамляе, што за суткі ў Беларусі зафіксавана 1760 выпадкаў каранавіруса, а выпісаныя 1486 чалавек.
Учора паведамлялася пра 1419 выпадкаў, а ў нядзелю было 1963 — максімум з сярэдзіны студзеня.
З пачатку пандэміі былі зарэгістраваныя 495 578 чалавек са станоўчым тэстам на COVID-19. Выздаравелі 486 734.
За ўвесь час памёр 3871 пацыент, паведамляе Мінздароўя.
За мінулыя суткі выканана 21 тыс. 970 тэстаў.