Яшчэ два рэгіянальныя тэлеграм-каналы прызнаныя экстрэмісцкімі
Прызнаная экстрэмісцкай інфармацыйная прадукцыя тэлеграм-каналаў «Ваўкавыск для жыцця new» і «Ашмяны».
Органы пракуратуры Ваўкавыскага і Ашмянскага раёнаў падчас маніторынгу СМІ і інтэрнэт-рэсурсаў выявілі ў каналах «заклікі да экстрэмісцкай дзейнасці» — блакавання дарог, хуліганскіх дзеянняў, актаў вандалізму, а таксама каментары з абразамі і пагрозамі на адрас супрацоўнікаў міліцыі ды інш.
Па стане на 14 верасня ў рэспубліканскі спіс экстрэмісцкіх матэрыялаў унесена каля 200 тэлеграм-каналаў і чатаў.