Цана газу ў Еўропе перавысіла 1000 даляраў за 1000 кубаметраў
У апошнія тыдні газавыя ф'ючарсы таргаваліся па 800-900 даляраў.
Паводле біржы ICE, кастрычніцкі газавы ф'ючарс TTF сёння раніцай падаражэў да 85,25 еўра за мегават-гадзіну, што з улікам абменнага курсу склала $1031,1 за 1000 кубаметраў. Пазней каціроўка знізілася да 84 еўра за мегават-гадзіну.
Сёння таксама паведамлялася пра рост цаны на нафту. Каціроўка ф'ючарса на нафту маркі Brent перавысіла 80 даляраў за бараль, упершыню з кастрычніка 2018 года.