У Беларусі рэкорд па новых выпадках каранавіруса
За суткі ў краіне зарэгістравана 1998 пацыентаў з COVID-19 — гэта рэкорд, калі меркаваць па афіцыйных даных.
За папярэднія суткі выпісаныя 1338 пацыентаў, паведамляюць у Міністэрстве аховы здароўя.
Усяго з пачатку пандэміі ў Беларусі былі зарэгістраваныя 542 077 чалавек са станоўчым тэстам на COVID-19.
За ўвесь перыяд распаўсюджвання інфекцыі на тэрыторыі краіны памерлі 4174 пацыенты з выяўленай каранавіруснай інфекцыяй, 15 — за 1 кастрычніка.
За мінулыя суткі выканалі 35 647 тэстаў.