Мінздароўя распрацавала комплекс практыкаванняў для тых, хто перахварэў на кавід
Практыкаванні рэкамендуецца выконваць два-тры разы на дзень праз гадзіну пасля прыёму ежы.
Зыходнае становішча — седзячы на стуле. Колькасць паўтораў — чатыры-шэсць разоў (у залежнасці ад самаадчування). Неабходна павольна рабіць неглыбокі ўдых носам, а выдыхаць — праз складзеныя ў трубачку вусны. У выпадку стомленасці можна рабіць паўзы для адпачынку.
Пры выкананні дыхальнай гімнастыкі варта кантраляваць самаадчуванне.
Спецыялісты нагадваюць тры прынцыпы паводзінаў пры аднаўленні пасля каранавіруса. Важна не ўпадаць у стан трывогі, звяртацца да доктара, калі вас турбуе самаадчуванне. Акрамя таго, аднаўленне трэба праводзіць паступова, паэтапна нарошчваючы тэмп і нагрузку.