Цана газу ў Еўропе за дзень устанавіла рэкорд, а потым абвалілася на $600
Біржавая цана газу ў Еўропе згубіла рост і ўпала да $1325 за 1 тыс. куб. м пасля таго, як на працягу дня дасягнула рэкордных адзнак і перавысіла ўзровень у $1950, вынікае з даных Лонданскай біржы ICE.
Да 14:34 кошт лістападаўскіх ф'ючарсаў па індэксе самога ліквіднага еўрапейскага хаба TTF у Нідэрландах спыніўся на ўзроўні €118,25 за МВт гадзіну (або $ 1417 за 1 тыс. куб. м па бягучым курсе).
Да 14:35 падзенне працягнулася да $1325 за тысячу кубоў. Такім чынам, кошт 1 тыс. куб. м газу аказаўся ніжэйшым, чым падчас адкрыцця таргоў ($1510 за тыс. куб. м па стане на 09:00).
Цэны на газ у Еўропе растуць на працягу ўсяго года. Сярод прычын — адмова «Газпрама» браніраваць дадатковыя магутнасці для транзіту газу праз Украіну напярэдадні запуску «Паўночнага патоку — 2».
Запасы газу ў падземных сховішчах Еўропы застаюцца ніжэйшымі за леташнія пасля халоднай зімы.