Удаву Зельцэра перавялі на Валадарку, у сваякоў не бяруць перадачы
Марыя Успенская, удава Андрэя Зельцэра, была затрыманая падчас штурму іх кватэры кадэбэшнікамі. СК паведаміў, што на Марыю завялі справу за саўдзел у забойстве. Ёй пагражае 25 гадоў.
Спачатку жанчыну змясцілі на Акрэсціна. Але цяпер яе перавялі ў СІЗА на Валадарскага.
«Калі дачка была на Акрэсціна, перадачу для яе ўзялі. Там мы перадалі цёплыя рэчы, зубную шчотку. Але літаральна днямі Марыю перавялі на Валадарскага. Мы ў пятніцу панеслі перадачу туды, але яе браць адмовіліся, паведамілі, што Марыя на каранціне, — кажа маці Успенскай. —
Адвакат зусім нядаўна прыступіў да працы, пакуль што яны прыватна не стасаваліся. Лістоў ад яе я не атрымлівала. Таму абсалютна ніякай інфармацыі пра Марыю ў мяне няма».