Беларусь адправіць у В'етнам гуманітарную дапамогу
Гэта вынікае з пастановы ўрада № 630, апублікаванай на Нацыянальным прававым інтэрнэт-партале.
МНС
У склад дапамогі ўвайшлі медыцынскія ложкі, каталкі, рэанімацыйна-хірургічныя маніторы, блокі падачы медыцынскіх газаў, партатыўныя маніторы для пацыентаў, медыцынскія камбінезоны, а таксама аднаразовыя нестэрыльныя камбінезоны. Аб'ём гуманітарнай дапамогі складае больш за 850 тысяч рублёў.
Забяспечыць гуманітарную дапамогу павінны Міністэрства аховы здароўя, МНС, Мінпрам.
У гэтым годзе Беларусь ужо дапамагала так Венесуэле і Кубе.