Меркель патэлефанавала Пуціну наконт крызісу на беларускай мяжы
Канцлер Нямеччыны Ангела Меркель патэлефанавала Уладзіміру Пуціну абмеркаваць міграцыйны крызіс на беларускай мяжы.
Пуцін, у сваю чаргу, прапанаваў наладзіць абмеркаванне праблем у прамых кантактах краін ЕС з Мінскам, піша ria.ru.
Меркель назвала бесчалавечнай і непрымальнай «інструменталізацыю» мігрантаў беларускімі ўладамі і папрасіла Пуціна паўплываць на гэта, дадае ў сваю чаргу нямецкі ўрад.
Ангела Меркель працягвае выконваць абавязкі кіраўніка ўрада да прывядзення да прысягі новага Кабміна.