У Польшчы перакуліўся аўтобус з украінскімі турыстамі
На трасе Кракаў — Хшанув на поўдні Польшчы перакуліўся пасажырскі аўтобус з 47 грамадзянамі Украіны.
У выніку ДТЗ пацярпелі дзевяць турыстаў, што ехалі з Львова ў Нямеччыну. Яны шпіталізаваныя, і іх жыццю нічога не пагражае.
Паводле папярэдніх звестак, кіроўца не справіўся з кіраваннем, аўтобус выехаў на ўзбочыну і перакуліўся.