У НАТА заклікалі Беларусь спыніць стварэнне штучнага крызісу на межах
НАТА заклікае Беларусь спыніць выкарыстанне мігрантаў для стварэння штучнага крызісу на межах.
«Паўночнаатлантычная рада рашуча асуджае інструменталізацыю нелегальнай міграцыі, штучна створаную Беларуссю ў рамках гібрыдных дзеянняў, накіраваных супраць Польшчы, Літвы і Латвіі ў палітычных мэтах», — гаворыцца ў заяве.
Саюзнікі НАТА выказалі салідарнасць з Польшчай, Літвой, Латвіяй і заявілі аб падтрымцы мер, якія прымаюцца краінамі ў адказ на сітуацыю.
«Саюзнікі па НАТА заклікаюць Беларусь спыніць гэтыя дзеянні, паважаць правы чалавека і асноўныя свабоды і выконваць нормы міжнароднага права», — гаворыцца ў заяве.