Гарадок. Аўтухоў, Сургач, Пятрова, Раманенка
Хроніка апазіцыі
У Гарадку (Віцебская вобласць) сябры «Маладой Беларусі», «Еўрапейскай Беларусі» і «Моладзі БНФ» правялі пікет прысвечаны гадавіне абвяшчэння дзяржаўнага сувірэнітэту Беларусі. Шаснаццаць чалавек выйшлі да будынку мясцовага райвыканкаму з расцяжкай.
Міліцыя затрымала чатыры чалавекі — Леаніда Аўтухова, Тараса Сургача, Ірыну Пятрову і Валер Раманенка. На ўсіх затрыманых былі складзеныя пратаколы па артыкуле 23.34 адміністрацыйнага кодэксу «Удзел у несанкцыянаванай акцыі».