У Беларусі ў якасці бустарнай вакцыны будуць выкарыстоўваць толькі «Спутнік Лайт»
Міністэрства аховы здароўя патлумачыла, як і якімі прэпаратамі будзе праводзіцца бустарная і паўторная вакцынацыя.
Бустарная вакцынацыя можа праводзіцца ўжо праз 6 месяцаў з моманту асноўнай вакцынацыі. У Беларусі для бустарнай прышчэпкі будзе выкарыстоўвацца толькі адзін прэпарат — «Спутнік Лайт», гэтая вакцына патрабуе адной дозы ўвядзення.
Паўторную вакцынацыю дактары рэкамендуюць праводзіць праз 12 месяцаў ад асноўнай або бустарнай вакцынацыі. У якасці прэпаратаў для паўторная вакцынацыі ўжо прапануюцца ўсе прэпараты, даступныя ў Беларусі: «Спутнік V», «Спутнік Лайт» і Synopharm. Таксама ў пераліку магчымых прэпаратаў для вакцынацыі згадваецца і «іншыя імунабіялагічныя лекавыя прэпараты».