Адмянілі мінскі канцэрт Maruv. Спявачка ўпэўнена: гэта помста ўладаў за адмову выступаць на «Славянскім базары»
Украінская спявачка Maruv паведаміла аб адмене канцэрта, запланаванага на 20 лістапада ў Мінску. На сайце канцэртнай залы адзначана, што гэта звязана з ануляваннем гастрольнага пасведчання.
Сама спявачка выказала меркаванне, што адмена канцэрта можа быць звязана з яе адмовай удзельнічаць у «Славянскім базары» сёлета. Акрамя таго, адна з прычын — неадпаведнасць праграмы ўзроставаму цэнзу «16+», хаця такое ўзроставае абмежаванне вызначалі самі гарадскія ўлады, кажа спявачка, калі выдавалі пасведчанне на правядзенне канцэрта.
«На жаль, маіх канцэртаў яшчэ доўга не будзе ў Беларусі, хаця я б вельмі гэтага хацела», — сказала Maruv.