Анархістаў выдалілі з залы пасяджэння. Суд над імі ідзе ў закрытым рэжыме чацвёрты дзень
У Мінскім абласным судзе на працягу тыдня ў закрытым рэжыме ідзе працэс па крымінальнай справе супраць анархістаў Ігара Аліневіча, Дзмітрыя Дубоўскага, Дзмітрыя Рэзановіча і Сяргея Раманава.
Іх вінавацяць паводле шэрагу крымінальных артыкулаў за падпал службовых аўтамабіляў, будынка ДАІ і дзяржаўнага камітэта экспертыз у Гомельскай вобласці.
На пачатку працэсу суддзя Валерый Тулека па хадайніцтве пракурора зрабіў разгляд справы закрытым для слухачоў; прычына — абарона персанальных дадзеных трох пацярпелых, якія праходзяць па справе.
Вядома, што прынамсі трох абвінавачаных — Аліневіча, Рэзановіча і Раманава — выдалілі з залы суда за парушэнне парадку ў пасяджэнні.