Мінздароўя абвергла інфармацыю пра ўспышку кавіду сярод мігрантаў у лагістычным цэнтры
На сённяшні дзень у бальніцы Гродна знаходзіцца толькі адзін мігрант, у якога дыягнаставаны COVID-19. Усяго з пачатку восені па розных пытаннях здароўя каля ста мігрантаў звярнуліся па меддапамогу да дактароў Гродзенскай вобласці.
Цяпер у цэнтры пастаянна дзяжураць дзве брыгады спецыялістаў хуткай меддапамогі, гаворыцца ў паведамленні Мінздароўя.
Усяго ж у бальніцах Гродна знаходзяцца тры чалавекі, якія пражывалі ў цэнтры. Аднаму выстаўлены дыягназ пнеўманія з кавід-інфекцыяй, яшчэ двое знаходзяцца ў бальніцах з-за абвастрэння хранічных хвароб.