Назарбаеў перадасць прэзідэнту Казахстана яшчэ адну пасаду ва ўладзе
Першы прэзідэнт Казахсатана Нурсултан Назарбаеў вырашыў перадаць паўнамоцтвы старшыні кіроўнай партыі «Нур Атан» прэзідэнту краіны Касыму-Жамарту Такаеву.
Пра гэта паведаміла Tengrinews.
Увесну 2021 года экс-прэзідэнт перадаў Такаеву паўнамоцтвы кіраўніка Асамблеі народа Казахстана.
Назарбаеў сышоў з пасады прэзідэнта краіны ў 2019 годзе па ўласным жаданні. Тады Назарбаеў захаваў за сабой пасады кіраўніка Рады бяспекі краіны, члена Канстытуцыйнай рады і кіраўніка заснаванай ім жа ў 1999 годзе партыі «Нур Атан».