Менеджара EPAM затрымаў САХР з аўтаматамі і шчытамі — за падпіскі і каментарыі ВІДЭА
У «прызнальным відэа» супрацоўнік EPAM Андрэй Швыдрык «традыцыйна» агучыў суму заробку.
А таксама ён паведаміў, што пакідаў абразлівыя каментарыі пра гібель двух расійскіх дэсантнікаў падчас вучэнняў у Беларусі.
Тэлеграм-канал ГУБАЗіК у сувязі з затрыманнем згадвае арт. 130 КК РБ (распальванне варожасці), па ёй можа пагражаць да пяці гадоў.
Раней МУС паведаміла, што за каментарыі пра загінулых дэсантнікаў затрымалі 11 чалавек.