У Беларусі дзевяць новых палітвязняў
Агульная колькасць палітвязняў, прызнаных праваабаронцамі, дасягнула 920 чалавек.
Праваабарончая супольнасць выступіла з сумеснай заявай аб прызнанні палітычнымі зьняволенымі шэрагу фігурантаў крымінальных спраў.
Падставай сталі выстаўленыя абвінавачванні, заключэнні пад варту і вынясенні прысудаў наступным асобам (гаворка пераважна пра ўдзельнікаў брэсцкіх пратэстаў):
- Віталь Барысевіч: абвінавачаны паводле ч. 2 арт. 293 КК (масавыя беспарадкі),
- Мікіта Аўдзік, Станіслаў Блашко, Ігар Токараў, Анастасія Вайтовіч: ч. 1 арт. 342 КК (групавыя дзеянні, якія груба парушаюць грамадскі парадак),
- Ігар Сямыкін, Аляксандр Жук, Арцём Ласкі: ч. 1 арт. 342 КК (групавыя дзеяньні, якія груба парушаюць грамадскі парадак) — накіраваныя для адбыцця пакарання ў выглядзе абмежавання волі ў папраўчыя ўстановы,
- Данііл Дзіткоўскі: ч. 2 арт. 339 КК (хуліганства) — фігурант «справы карагодаў», накіраваны адбываць пакаранне ў папраўчую ўстанову.