БЧ запускае электрацягнікі з Мінска ў Калінкавічы
Беларуская чыгунка завяршыла электрыфікацыю ўчастка Калінкавічы — Светлагорск-на-Бярэзіне і запускае электрацягнікі з Мінска ў Калінкавічы.
Першыя цягнікі з Мінска і з Калінкавічаў адправяцца 27 снежня.
З 28 снежня па маршруце будуць курсіраваць два цягнікі рэгіянальных ліній бізнэс-класа — № 876/875 і № 874/873. Яны будуць адпраўляцца з Калінкавічаў у 6:02 і 18:22 адпаведна, з Мінска — у 20:48 і 14:00, як паведамляе прэс-служба БЧ.
Цягнікі будуць рабіць прыпынкі на станцыях Светлагорск-на-Бярэзіне, Жлобін, Чырвоны Бераг, Бабруйск, Асіповічы-1, Пухавічы.