У Беларусь прыбыў Віфлеемскі агонь
З польска-беларускай мяжы праз памежны пераход у Вялікай Бераставіцы агонь даставілі ў гродзенскі катэдральны касцёл св. Францішка Ксаверыя.
З гораду над Нёманам пачалася штогадовая эстафета перадачы агню па гарадах і мястэчках Беларусі.
Акцыя перадачы Віфлеемскага агню міру бярэ пачатак у Аўстрыі ў 1986-м. Агонь перадаецца з рук у рукі з Віфлеема. У пячоры Нараджэння Ісуса гарыць вечны агонь, ад якога штогод запальваецца лампада. Яе нясуць скаўты — праз краіны і кантыненты яна абыходзіць свет.