Мінчанка прадавала несертыфікаваныя пульсаксіметры. Канфіскавалі 420 апаратаў
На 53-гадовую прадпрымальніцу выйшаў АБЭЗ Маскоўскага раёна сталіцы.
Скрыншот відэа
Са студзеня 2020 года яна набывала ў Расіі пульсаксіметры для іх рэалізацыі ў нашай краіне. Прылады пасля сертыфікацыі неабходна было ўнесці ў дзяржрэестр вырабаў медыцынскага прызначэння і медтэхнікі. Аднак патрабаванні заканадаўства былі праігнараваныя, паведамляе прэс-служба МУС.
У выніку з нелегальнага абароту канфіскавана больш за 420 пульсаксіметраў агульным коштам 19 тысяч рублёў.
Распачатая крымінальная справа за ўвоз незарэгістраваных медыцынскіх вырабаў.