Берасцеец збіраўся прадаваць дэнатурат пад выглядам прэміяльнай гарэлкі
Супрацоўнікі міліцыі Маскоўскага РУУС Брэста затрымалі жыхара абласнога цэнтра, які перавозіў 12 палімерных 5-літровых каністраў і 5 кардонных упаковак аб'ёмам па 3 літры кожная з вадкасцю для далейшага продажу.
Міліцыя канфіскавала названыя ёмістасці з вадкасцю і накіравала іх ва ўпраўленне Дзяржаўнага камітэта судовых экспертыз па Брэсцкай вобласці для правядзення хімічнай экспертызы.
У ходзе правядзення судовай экспертызы ўстаноўлена, што вадкасці з'яўляюцца спіртазмяшчальнымі і ўтрымліваюць у сваім складзе дэнатурат (дыэтылфталат).