Медыкам хочуць дазволіць выкупаць арэнднае жыллё. Але з адной умовай
У Мінскай вобласці плануюць пабудаваць арэнднае жыллё для медыкаў з наступным правам яго выкупу пасля працяглага перыяду працы. Пра гэта паведаміў старшыня Мінаблвыканкама Аляксандр Турчын, перадае БелТА.
«У Бараўлянах мы падабралі два зямельныя ўчасткі для будаўніцтва такога арэнднага жылля», — сказаў ён.
Аблвыканкам прапануе эксперымент: дазволіць медыкам будаваць арэнднае жыллё і пасля пэўнага часу працы (10 або 15 гадоў) даваць магчымасць яго выкупаць. Так яны спадзяюцца замацоўваць людзей на працы ў паліклініках і бальніцах.