Салдата тэрміновай службы асудзілі на тры месяцы гаўптвахты за ўдзел у пратэстах у 2020 годзе
Хлопца абвінавачвалі па «народным» 342 артыкуле КК РБ — «актыўны удзел у групавых дзеяннях, што парушаюць грамадскі парадак».
Ілюстрацыйнае фота
Следства высветліла, што 10 і 11 жніўня 2020 года салдат удзельнічаў у акцыях пратэсту і выходзіў на праезную частку.
У выніку суд Заводскага раёна Мінска прысудзіў яму тры месяцы арышту на гаўптвахце вайсковай камендатуры.