Беларусь за год павялічыла продажы бензінаў ва Украіну на 18%
У 2021 годзе агульная колькасць паставак дайшла да 1,01 млн тон. Гэта склала 78% усяго імпарту бензінаў у краіну, паведамляе Office Life.
Для параўнання: аналагічныя адгрузкі з Літвы павялічыліся на 14%, да 264,7 тыс. тон.
Агульны імпарт бензінаў ва Украіну ў 2021 годзе ацэньваецца ў 1, 29 млн тон, за год увоз прадукту ў краіну узрос на 202 тыс. тон.
У той жа час уласная вытворчасць бензінаў ва Украіне засталася на ўзроўні 2020 года: 1,04 млн т.
У 2020 годзе Украіна павялічыла імпарт бензінаў на 50,6 тыс. тон у параўнанні з 2019-м - да 1,09 млн тон. Пры гэтым аб'ёмы паставак з Беларусі тады ўзраслі адносна 2019 года на 23%, да 853,4 тыс. тон.