Крамы і клубы на цокальных паверхах збіраюцца забараніць
Алексей Вараб’ёў, начальнік Рэспубліканскага цэнтра кіравання і рэагавання на надзвычайныя сітуацыі Міністэрства па надзвычайных сітуацыях РБ, заявіў, што плануецца забараніць размяшчэнне установаў з масавым знаходжаннем людзей (крамы, кавярні, клубы) на цокальных паверхах будынкаў.
«Падчас патопу 24 ліпеня была пагроза жыццю людзей. Некаторыя не маглі выбрацца з цокальных памяшканняў, бо вада падпірала дзверы. І на будучае мы плануем, на узроўні прававых актаў, падняць пытанне размяшчэння памяшканняў з масавым знаходжаннем людзей на цокальных паверхах».