Калі ў Мінску будуць вывозіць на ўтылізацыю натуральныя ялінкі?
Першыя рэйсы смеццявозаў па ёлкі будуць ажыццяўляцца ў жылыя кварталы Заводскага, Ленінскага, Партызанскага, Першамайскага, Савецкага і Цэнтральнага раёнаў сталіцы ужо ў гэтую суботу — 15 студзеня, а таксама 19 і 22 студзеня.
Пра гэта пішуць «Мінск-Навіны» са спасылкай на КУП «Спецкамунаўтатранс».
Дрэвы просяць вынесці на кантэйнерныя пляцоўкі і пляцоўкі для буйнагабарытнага смецця загадзя. Пакінуць іх таксама можна каля смеццепрыёмных камер жылых дамоў.
Для жыхароў Кастрычніцкага, Маскоўскага і Фрунзенскага раёнаў, якіх абслугоўвае кампанія «Рэмондзіс», распрацаваныя свае графікі.
Перавозчык прыедзе па навагоднія дрэвы 23 і 30 студзеня.
Дрэвы павінны быць без мішуры і ўпрыгожванняў, іх не варта звязваць вяроўкамі ці абмотваць скотчам, а таксама заварочваць у пакеты ці плёнку.