У гомельскай бальніцы пацыент кінуўся на лекара з нажом
Адбылося гэта 16 студзеня ў таксікалагічным аддзяленні бальніцы, дзе 51-гадовы гамяльчук знаходзіўся на прымусовым лячэнні.
Падчас начнога абыходу мужчына нечакана накінуўся на дзяжурнага лекара-таксіколага і нанёс яму ўдары нажом у вобласць шыі і рук.
На шчасце, раны аказаліся не вельмі небяспечнымі. Жыццю пацярпелага нічога не пагражае, ён на амбулаторным лячэнні.
А супраць нападніка заведзеная крымінальная справа за злоснае хуліганства.