Зборная Беларусі па гандболе паказала найгоршы вынік у гісторыі на ЧЕ
На групавым этапе зборная прайграла ў двух матчах з трох і не здолела прайсці далей. Чэмпіянат Еўропы па гандболе праходзіць у Славакіі і Венгрыі.
Фота handball.by
Учора каманда Юрыя Шаўцова абыграла зборную Аўстрыі (29:26). Беларусы занялі трэцяе месца ў групе і не змаглі выйсці ў асноўны этап спаборніцтваў.
На пачатку турніру беларусы прайгралі Нямеччыне (29:33) і Польшчы (20:29) і ўжо тады страцілі шанцы на выхад у наступны раўнд.
Беларуская зборная стала 17-й на ЧЕ — гэта найгоршы вынік за яе гісторыю. Да гэтага было 15-е месца ў 2008 годзе, але пры 16 удзельніках (сёлета — 24 удзельнікі). У 1994-м беларусы былі восьмыя.