Група з 32 мігрантаў сілай прарвалася з Беларусі ў Польшчу

Польскія памежнікі ўначы 18 студзеня затрымалі 32 чалавек, якія гвалтам прарваліся праз беларуска-польскую мяжу, паведамляе прэс-служба польскага памежнага ведамства.

W dn.18.01 gr.próbowały nielegalnie przekroczyć 33 os.
W nocy na odcinku #PSGMielnik grupa 32 os. siłowo forsowała granicę.Cudzoziemcy oraz służbywyrywali ogrodzenie, rzucali kamieniami w patrole. Osoby zostały zatrzymane, wśród nich są ob.Egiptu, Erytrei,Turcji i Jemenu. pic.twitter.com/ljYy2oNSd6

— Straż Graniczna (@Straz_Graniczna) January 19, 2022

На прарыў парушальнікі пайшлі ў раёне вёскі Мельнік. Яны прарвалі агароджу на польскім баку мяжы, закідвалі польскія патрулі камянямі. Польскае памежнае ведамства ў сваім паведамленні абвінаваціла беларускія службы ў дапамозе мігрантам.

Усе замежнікі былі затрыманыя. Сярод іх аказаліся грамадзяне Егіпта, Эрытрэі, Турцыі і Емена.

Усяго за 18 студзеня польскія памежнікі зафіксавалі 33 спробы парушэння мяжы.

Каментары да артыкула