Сілавікі правялі ператрус у піяр-агенцтве Sette
Інфармацыю пацвердзілі крыніцы «Нашай Нівы». Паведамляецца, што затрымалі траіх супрацоўніц, якія на той момант знаходзіліся ў офісе.
Пакуль што вядома па сітуацыі наступнае:
-
Затрымалі траіх супрацоўніц, пакуль яны не на волі.
-
Дакладная прычына прыходу сілавікоў невядомая. Па чутках, гэта звязана з адной буйной кампаніяй, якая супрацоўнічала з рэкламным агенцтвам.
-
Кіраўнік кампаніі Ігар Кольчанка цяпер знаходзіцца за мяжой.
Заснавальнік і дырэктар Sette Ігар Кольчанка — экс-журналіст «Советской Белоруссіі». Sette працавала з многімі буйнымі кампаніямі: «Баржомі», «Аліварыя», «А-100». Сярод кліентаў Sette і мабільны аператар «А1», які апошнім часам падвяргаецца нападкам праўладных блогераў і СМІ.