Уначы 29 студзеня ў Беларусі могуць не працаваць банкаўскія карткі
Банкаўскі працэсінгавы цэнтр паведаміў, што ў Беларусі ноччу 29 студзеня могуць быць праблемы з выкарыстаннем банкаўскіх картак.
29 студзеня з 03.20 да 04.00 Банкаўскі працэсінгавы цэнтр будзе праводзіць тэхналагічныя работы на апаратна-праграмным комплексе.
У гэты час магчымыя кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў.