Саўмін выкрасліў з «контрсанкцыйнага» спісу некаторыя тавары, але ўнёс новыя краіны
На пачатку снежня Савет міністраў прыняў пастанову №700 «Аб прымяненні спецыяльных мер у дачыненні да асобных відаў тавараў». Гэта пастанова забараняе ўвоз 15 відаў розных прадуктаў харчавання з краін ЕС і яшчэ 9 іншых. Сёння з'явілася дадатковы дакумент, які выключае некаторыя тавары са спісу.
Фота: depositphotos.com
Згодна з пастановай №51 ад 27 студзеня 2022 года, у спіс краінаў дадалі таксама Сербію і Княства Ліхтэнштэйн.
Пры гэтым, выключылі са спіса прадукты пад кодамі ЕАЭС — 1901 90, 2106 90, 2501 00.
Гэта харчовая соль. А таксама соладавы экстракт, гатовыя харчовыя прадукты з мукі тонкага ці грубага памола, крупы, крахмала ці соладавага экстракта, якія альбо не ўтрымліваюць какао альбо ўтрымліваюць 40%.