Кіраўнік дыпламатыі Еўрасаюза падзякаваў беларусам за смеласць
Вярхоўны прадстаўнік Еўрасаюза па замежных справах і палітыцы бяспекі Жазэп Барэль звярнуўся з відэазваротам да беларусаў.
«Відаць, вам будзе цяжка выказаць свае пачуцці ва ўмовах поўнага прыгнёту. Але я ведаю, што гэтак жа цяжка маўчаць у час расійскага ўварвання і жахлівых нападаў на ўкраінскія гарады і людзей, якія нясуць разбурэнні і забіраюць жыцці людзей. Сотні беларусаў былі арыштаваныя ў нядзелю за мірны пратэст супраць вайны Расіі супраць Украіны. Дзякуй вам за смеласць. Дзякуй за тое, што не глядзіце моўчкі на гэтую трагедыю. Патрабуйце ад вашых уладаў і далей, каб спынілі вайну».