Mastercard адключыла некалькі расійскіх банкаў
Mastercard адключыла некалькі расійскіх фінансавых арганізацый ад сваёй аплатнай сістэмы, прытрымліваючыся «санкцыйных распараджэнняў», гаворыцца ў заяве кіраўніка кампаніі Майкла Мібаха.
«У выніку прынятых распараджэнняў мы заблакавалі некалькі фінансавых устаноў з аплатнай сеткі Mastercard», — гаворыцца ў заяве.
Пасля адключэння ад аплатнай сістэмы Mastercard карты гэтых банкаў не будуць працаваць за мяжой і ў замежных інтэрнэт-крамах. У Расіі яны будуць дзейнічаць, бо ўнутры краіны плацяжы апрацоўваюцца ўнутранай Нацыянальнай сістэмай.